……大熱天時三十幾度，排隊人龍一圈又一圈，個個不但帶帽，帶遮，帶水，帶櫈，仲要又踎又瞓日以繼夜輪侯，各位型男型女真係乜儀態都冇埋！最後，由於店鋪安排不當，開門一刻引起連番騷動。大批警員一邊用鐵欄控製人群，排隊人士就一邊大叫口號：「如果我們團結就一定可以買到袋」。……但我一路排一路見到有人亂丟報紙、雜誌和膠樽等，究竟啲人係鐘意「環保」定係鐘意個「環保袋」?

 

……不如研究下呢個環保袋有乜好？

 

係唔係貪佢夠方便？但個袋咁大，又唔可以摺埋放喺手袋，隨時出街買嘢用，分明係手袋，唔係環保袋啦！呢個在E和Y拍賣網，迅速由原價一百二十蚊炒到二千蚊的巨型「環保手袋」，我就一定唔會攞住去超級市場裝菜啦！

 

咁莫非貪佢質地好？老實講，這個超厚大型帆布袋，只要裝少少嘢就重到阿媽都唔認得，OL姐姐個個有電話，銀包，化妝品，NDS同埋一兩本八卦／潮流／美容雜志跟身……加加埋埋都已經十磅八磅重。整個設計最「攞命」的其實是個麻繩編織提把，只要個袋有少少重量就「勒」到膊頭成條紅印，呢個環保袋好唔好用就真係見仁見智啦！

 

算啦，我講咁多嘢都係無謂。大家「買的、排的、貪的」都無非是個袋上大大個字寫住「我唔係膠袋」的Slogen。雖然諗真啲，呢句說話都幾無聊，一個「帆布環保袋」話自己「唔係膠袋」，鬼唔知咩！和我周街同人講「我阿爸唔係女人」有乜分別？……

 

折騰了一整天，我以為排到個袋就無死啦，仲唔型爆！但啲FRIEND啱啱又話我知而家千祈唔好用，因為個袋一排完就唔HIT啦，叫我下

次出特別版時再排過，好似話有不同顏色，哇，唔通又整多個「環保袋」的物體來保護大自然，啲咁荒謬嘅嘢下次都係咪搞我！

 

-- copied from <設計＋文化>  2007.7 

 

夢想照進現實

 

Dialogue 1
「我就知道妳會擰巴，問題是妳不擰巴了我就得擰巴，我一擰巴了我就控製不住的想擰巴別人，到頭來妳還是擰巴。」

 

Dialogue 2
「妳甭管我，妳就替妳想，妳要是替我想了，那妳就不能替自己想了，妳就想妳自己。」

 

Dialogue 3
「得，我不侮辱妳了，我從侮辱妳當中也得不到什麼樂趣。」