喧嘩的茶餐廳 悶熱與冰冷交織
夾雜彼此的呼吸 青蘋果咔咔作響
安然而坐 不知不覺化作別人的風景
游離的眼神透過鏡頭被你看著
來不及微笑 恰似無俱的童真
執著地修飾著 傾聽寧靜的聲響
美麗的瞬間 起身忘卻的亦都歡欣

 

陌路人的奶茶 始終朴素
慣性的香味 熟悉而又陌生
藏在眼睛裡的快樂 象是童年的你看見了時間
冰塊碰撞出一首單調的伴奏
仿似消失於心底的聲音 變得敷衍
時間的游戲贏得專一 卻輸給情緒
勇敢的呼吸 虔誠希望安好如舊

 

知道的與不知道的 想到的與想不到的
發揮小小宇宙 憶起的卻是平靜的藍
承受不了香煙的重量 只能避開期待的笑容
尼古丁錯過和諧 不滿厮殺著緊扣的手心
煙圈在半空肆意糾纏 侵蝕了雙眼
對著天空呢喃 遺失的文字終于不可搜尋
人叢中的一吻 送贈更多的人相互依偎

 

 

 

「食咩呢？」
「無所謂。」
「你話啦。」
「咁食咩呢? 」
「無所謂。」
「你話啦。」
「想食中菜定西菜? 」
「無所謂。」
「我都無所謂。」
「咁你話啦。」
「唔好啦，你話啦。」
「咁食咩呢? 」
「諗吓先。」
我不知道為什麼每一個我認識的人，包括我自己，都不肯揸主意去邊度食飯。
「諗到未？」
「未呀，食咩呢？」
「無所謂。」
「你話啦。」
「咁呀……想食日本菜定韓國菜? 」
「無所謂。」
「你話啦。」
「咁食咩呢? 」
「諗多一陣先……」
我最憎負責決定去邊度食飯，原因是：好食，不見有人很感激（將心比心，人哋帶我去一間好好食嘅茶餐廳食飯，事後我通常都忘

記了感激）；萬一唔好食，朋友就算不怨到出面，我自己都唔好意思啦。
正所謂，食咁耐驚咁耐。
不如唔好出主意去邊度食飯。
「好肚餓。」
「我都係。」
「咁食咩呢? 」
「無所謂。」
「你話啦。」
「想食意大利菜定法國菜? 」
「我無所謂。」
「我都無所謂。」
「咁你話啦。 」
「唔知渦，你話啦。 」
「我無所謂。」
「咁食咩呢? 」
各位讀者，係咪睇到都煩呢？但你知道，你一定知道，以上麥兜式循環錄音帶，還不及實際長度的十分之一呢。
「咁食咩呢? 」
「無所謂。」
答「無所謂」的人，包括你同我，何曾試過真係「無所謂」?

 

 

-- copied from <Wyman Labeling> PLAN B 2007.4